Hjálpin

Út frá starfi okkar höfum við séð að börn á flótta eru í mjög viðkvæmri stöðu, fá takmarkaða þjónustu og upplifa flest kvíða og þunglyndi vegna þessarar stöðu. Minni líkur eru á að réttindi barnafjölskyldna séu virt ef þau fá ekki aðstoð lögfræðinga og mjög sjaldan er tekið tillit til hagsmuna barna í réttarkerfinu. Oftar en ekki koma fyrir staðreyndarvillur þegar kærunefnd útlendingamála og Útlendingastofnun taka ákvarðanir um mál barnafjölskyldna, sem reyndir lögmenn gætu einfaldlega leiðrétt. Við aðstoðum börn bæði með félagslega og lögfræðilega þætti.

Vekjum athygli

Við fjöllum opinberlega um málefni flóttafólks og verið með árveknisátök. Þannig hafa samtökin áhrif á breytingar í réttarkerfinu með því að þrýsta á stjórnvöld til að virða Barnasáttmálann.

Félagsleg aðstoð

Traustur stuðningur og ráðgjöf til að fá aðgang að þjónustu, andlegur stuðningur (þau geta hringt hvenær sem er með spurningar) og stuðningur á fundum (KNÚ, ÚTL, læknir, lögregla, o.s.frv.).

Lögfræðileg aðstoð

Að skoða mál barnanna frekar, lesa yfir gögn, túlka og útskýra ákvarðanir. Við finnum lögfræðinga og túlka sem geta tekið að sér mál þeirra og styrkjum þau vegna lögfræðikostnaðar.

Hvers vegna er þessi aðstoð nauðsynleg?

Algengustu ástæður fyrir neitun barns á flótta er Dyflinnarreglugerðin, ef barnið kom til Íslands í gegnum annað Evrópuland. Í sumum tilvikum er aðeins um að ræða millilendingu í öðru landi en ekki vernd. Hafi barnið þó fengið vernd í þriðja ríki er enn erfiðara að fá vernd á Íslandi, jafnvel þótt um sé að ræða lönd sem ekki geta tekið aftur við börnunum, t.d. í Grikklandi, Ítalíu, Ungverjalandi, og á öðrum stöðum þar sem réttindi flóttamanna eru ekki virt.

Einnig fá börn neitun ef upprunaland þess er talið öruggt, eins og Albanía, Georgía, Makedónía og Nígería, en séu mál þeirra skoðuð efnislega kemur úr ljós að þau eru ekki örugg í sínu upprunalandi.

​Við berjumst fyrir því að öll börn á flótta fái efnislega meðferð og staða þeirra sé skoðuð sérstaklega.

Félagasamtökin eru í samvinnu við ýmsa mannréttindalögfræðinga og eru í beinum samskiptum við barnafjölskyldur. Við höfum einnig fjallað opinberlega um málefni flóttafólks og verið með árveknisátök. Við tölum rödd barna sem flýja til Íslands og um málefni þeirra meðal almennings og finnum ný verkfæri til að vekja athygli á vandamálum innan kerfisins.

Biðlistinn okkar er langur. Í október 2022 voru 68 börn á listanum. Hjálpaðu okkur að hjálpa þeim með því að styðja okkur fjárhagslega:

Kennitala: 690719-0370
Bankanúmer: 545-26-8014